ದಿಯಾ… ಹೆಸರು ಹೇಳಿದಾಕ್ಷಣ ಕಿವಿ, ಮನಸ್ಸು ಎರಡು ಅಲರ್ಟ್ ಆಗಿಬಿಡ್ತಿದೆ. ಸದ್ಯ ಜಗತ್ತಿನಲ್ಲಿ ಕೊರೊನಾ ವೈರಸ್ ದಾಳಿ ಭಯ ಹುಟ್ಟಿಸಿದೆ. ಆದ್ರೆ ಸೋಶಿಯಲ್ ಮೀಡಿಯಾದಲ್ಲಿ ಅದಕ್ಕಿಂತ ‘ದಿಯಾ’ ಕ್ರೇಜ್ ಹೆಚ್ಚಾಗಿದೆ. ಯಾರ ಸೋಶಿಯಲ್ ಮೀಡಿಯಾ ಪ್ರೊಫೈಲ್ ನಲ್ಲಿ ನೋಡಿದ್ರು ‘ದಿಯಾ’ ಸಿನಿಮಾ ಬಗ್ಗೆ ಸ್ಟೇಟ್ ಮೆಂಟ್ ಇದೆ. ವಾಟ್ಸಾಪ್ ಸ್ಟೇಟಸ್ ನಲ್ಲಿ ‘ದಿಯಾ’ ಡೈಲಾಗ್ ಗಳೇ ತುಂಬಿವೆ. ಕೊರೊನಾ ವೈರಸ್ ನಿಂದ ಚಿತ್ರಪ್ರದರ್ಶನ ರದ್ದಾಗಿ, ಲಾಸ್ ಆಗ್ತಾ ಇದ್ರು, ‘ದಿಯಾ’ನಾ ಕೊರೊನಾಗಿಂತ ಸ್ಟ್ರಾಂಗ್ ಅಂತಿದ್ದಾರೆ. ಈ ಸಿನಿಮಾ ಜನರ ಮನಸ್ಸನ್ನ ಅಷ್ಟು ಕದಡಿದೆ.

‘ದಿಯಾ’ ರಿಲೀಸ್ ಆದ ಒಂದೇ ವಾರದಲ್ಲಿ ಥಿಯೇಟರ್ ಸಮಸ್ಯೆ ಎದುರಾಯ್ತು. ಒಂದು ಸಿನಿಮಾ ಚೆನ್ನಾಗಿದ್ರೆ ಅದಕ್ಕೆ ಬೇರೆ ಯಾವ ರೀತಿಯ ಪ್ರಮೋಷನ್ ಅಗತ್ಯ ಇರಲ್ಲ. ಕೇವಲ ಜನರ ಮೌತ್ ಟಾಕ್, ಸೋಶಿಯಲ್ ಮೀಡಿಯಾ ರೆಸ್ಪಾನ್ಸ್ ಸಾಕಾಗುತ್ತೆ. ‘ದಿಯಾ’ಗೆ ಉಪಯೋಗ ಆಗ್ತಾ ಇದ್ದದ್ದು ಅದೇ. ಆದ್ರೆ ‘ದಿಯಾ’ ರಿಲೀಸ್ ಆದ ವಾರದಲ್ಲೆ 8-9 ಸಿನಿಮಾಗಳು ಒಟ್ಟಿಗೆ ರಿಲೀಸ್ ಆದ್ವು. ಅಷ್ಟು ಸಿನಿಮಾಗಳ ಪೈಕಿ ‘ದಿಯಾ’ ನೋಡಿ ರೀಚ್ ಆಗುವುದರೊಳಗೆ ಕೊರೊನಾ ಸಮಸ್ಯೆ ಎದುರಾಯ್ತು. ಕಳೆದ ವಾರದಿಂದ ಡಿಜಿಟಲ್ ನಲ್ಲಿ ಸಿಕ್ಕ ‘ದಿಯಾ’ ನೋಡಿ ಜನ ಹುಚ್ಚೆದ್ದು ಕುಣಿತಾ ಇದ್ದಾರೆ. ಇಂತ ಸಿನಿಮಾವನ್ನ ಥಿಯೇಟರ್ ನಲ್ಲಿ ಮಿಸ್ ಮಾಡಿಕೊಂಡ್ವಾ ಅಂತ ಕೊರಗ್ತಾ ಇದ್ದಾರೆ. ಡಿಜಿಟಲ್ ನಲ್ಲಿ ನೋಡಿದ್ರು ಸಹ ಟಿಕೆಟ್ ಹಣವನ್ನ ಕೊಡ್ತೇವೆ ಅಕೌಂಟ್ ಡಿಟೈಲ್ ಶೇರ್ ಮಾಡ್ಕೊಳಿ ಅಂತ ಸೋಶಿಯಲ್ ಮೀಡಿಯಾದಲ್ಲಿ ನಿರ್ದೇಶಕ ಮತ್ತು ನಿರ್ಮಾಪಕರಿಗೆ ಟ್ಯಾಗ್ ಮಾಡ್ತಾ ಇದ್ದಾರೆ. ಅಷ್ಟು ಕ್ರೇಜ್ ಹುಟ್ಟು ಹಾಕಿದೆ ‘ದಿಯಾ’.

We, Sri Swarnalatha production and Krishna Chaitanya the producers of the movie Dia are happy and pleased that many…

Posted by D Krishna Chaitanya on Tuesday, March 17, 2020

ಇನ್ನು ಪ್ರೇಕ್ಷಕರು ಹಣ ನೀಡುವ ವಿಚಾರದಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಕೆಲವೊಂದು ಗೊಂದಲಗಳು ಸೃಷ್ಠಿಯಾಗಿವೆ. ‘ದಿಯಾ’ ಸಿನಿಮಾ ಟ್ಯಾಗ್ ಮಾಡಿ ಗೂಗಲ್ ಪೇ ನೀಡಿರುವಂತ ಘಟನೆಗಳು ನಡೆದಿವೆ. ಇದಕ್ಕೆ ‘ದಿಯಾ’ ನಿರ್ಮಾಪಕ ಕೃಷ್ಣ ಚೈತನ್ಯ ಸ್ಪಷ್ಟನೆ ನೀಡಿದ್ದಾರೆ. ‘ಸಿನಿಮಾವನ್ನು ಥಿಯೇಟರ್ ನಲ್ಲಿ ನೋಡಲು ಸಾಧ್ಯವಾಗಿಲ್ಲ ಎಂಬ ಕಾರಣಕ್ಕೆ ನಿಮ್ಮಲ್ಲಿ ಹಲವರು ಟಿಕೆಟ್ ದರವನ್ನು ಪಾವತಿಸಲು ಮುಂದಾಗಿದ್ದೀರಾ. ನಿಮ್ಮ ಪ್ರೀತಿಗೆ ಧನ್ಯವಾದಗಳು. ನಾವೂ ಗೂಗಲ್ ಪೇ ಅಥವಾ ಯಾವುದೇ ಆನ್ ಲೈನ್ ನಲ್ಲಿ ಹಣ ಸ್ವೀಕರಿಸುತ್ತಿಲ್ಲ. ಅಧಿಕೃತ ಖಾತೆಗಳಿಂದ ಈ ಬಗ್ಗೆ ಸ್ಟೇಟ್ ಮೆಂಟ್ ಬಾರದೆ ಇದ್ದಲ್ಲಿ, ಅಂತಹ ವದಂತಿಗಳಿಗೆ ಕಿವಿಗೊಡಬೇಡಿ. ಹಣ ಹಾಕಿ ಬೇಸರ ಮಾಡಿಕೊಳ್ಳಬೇಡಿ. ಇದನ್ನು ಓದಿ, ಶೇರ್ ಮಾಡಿ’ ಅಂತ ಕೃಷ್ಣ ಚೈತನ್ಯ ಅವರು ತಮ್ಮ ಸೋಷಿಯಲ್ ಮೀಡಿಯಾ ಅಕೌಂಟ್ ನಲ್ಲಿ ಬರೆದುಕೊಂಡಿದ್ದಾರೆ.

ಒಂದು ಸಿನಿಮಾ ಹಣಗಳಿಸಿದರೆ ಅದು ನಿರ್ಮಾಪಕನಿಗೆ ತೃಪ್ತಿ ಎನ್ನಿಸುತ್ತೆ ನಿಜ. ಆದ್ರೆ ‘ದಿಯಾ’ ಸಿನಿಮಾದಲ್ಲಿ ಹಾಕಿದ ಬಂಡವಾಳ ಕೈಸೇರದೆ ಹೋದರು ಬಹಳಷ್ಟು ಖುಷಿ ಇದೆ ಅಂತಾರೆ ನಿರ್ಮಾಪಕರು. ‘ದಿಯಾ’ ಬಗೆಗಿನ ಜನರ ಇವತ್ತಿನ ಮಾತುಗಳು ನಿರ್ಮಾಪಕ ಹಾಗೂ ನಿರ್ದೇಶಕರಿಗೆ ಮತ್ತೊಂದು ಸಿನಿಮಾ ಮಾಡಲು ಸ್ಪೂರ್ತಿಯಾಗಿದೆ. ಇಂತ ಅದ್ಭುತ ಸಿನಿಮಾಗಳು ಅವರ ಬೊಕ್ಕಸದಿಂದ ಇನ್ನಷ್ಟು ಬರಲಿ ಎಂಬುದು ಪ್ರೇಕ್ಷಕರ ಹಾರೈಕೆಯಾಗಿದೆ.